هلق باعتبار انو هالصيفية عم تمر علي متل السم بسبب امتحانات الفصل التكميلي مارح قول أنو كلنا مالين رغم اني بشك انو مافي حدا مالل متلي لأنو مو الكل وضعو متل وضعي
بقى حبيت اسألكن واخد رأيكن أو شي أفكار حلوة منكن لتغيير الجو والتسلية بهل صيفية المعتة لتنسيني همي والأهم انو عم دور على أفكار جديدة ومو تقليدية شغل كل صيفية
وبتمنى من كل الأصدقاء انو يشاركو
فشو ؟؟

ع الشوب مالي خلق احكي

اوكي بس لازم نعرف شو طلبك يعني مشروع ترفيهي ولا مشروع مثلا ممكن يكون ابداعي كتابة مثلاً مشروع ثقافي تعلم لغة معينة او اي شي ممكن لازم نعرف لحتى نقوم بوضع الحلول لهي المشكلة.

الله الله ايه شو هالحماس وشو هالجدية هي كلا مو متل بعض جماعة
على كل حال انا ما بتفرق معي بس بصراحة انا ما بتهمني المشاريع الثقافية كتير وكمان ما بهمني ال head line تبع "المشروع الترفيهي" بس بكل الاحوال انا بعرفك رائد عندك اهتمامات ترفيهية مفيدة وعندك افكار حلوة كمان بقا شو بيخطرلك قلي

اوكي نحنا بخدمة الاعضاء الطيبين امثالك
أنا يوم الاثنين عندي آخر مادة للتخرج (حاجة بقى رح يقلعوني بعد ست سنين بهالكلية وماعاد اعرف اخلص) مالك بالطويلة هادا ياستي بس اخلص رح افكرلك بمشروع ممتاز رح يدمر الملل القائم حاليا المهم مالك بالطويلة يوم الثلاثاء رح خبرك عنو

مالك بالطويلة هاتي سيكارة

شو دخانك باشا ، بيحضرلك ع البيت

ابو الجون الله يديمك يا غالي

محشوم انت اكبر قدر

الصراحة انا ما بدخن بس على اعتبار انو القعدة حلوة معكن استحبيتلي سيكارة المهم مالك بطول السيرة هادا يا سيدي لما الين ماردت علي وما ضيفتني سيكارة اشو قلت لحالي يا رجل ذل قرشك ولا تذل نفسك نزلت عالحارة عالزاوية لعند ابو عذاب المهم مابدي اطول عليك ماشفته شفت صانعه وماكان يعطيني باكيت عالدين المهم ليش طولة الحديث معدي ابو دياب هادا اللي فردو قلاب صاحبي عرفتوا ماهيك؟؟؟ مو مهم كفلني عندو واخدت حمراء طويلة شو قلت لحالي بيلزم بركدن حدا هون استحبلوا سيكارة منضيفو

بس بقى اشلك بالحكي عجبتني كلمة باشا اي والله بيلبقلي اكون باشا بس يلعن ابو هالحظ بدي اغيره واخلص من هالشغلة
المهم ابو الجون حبيبي ما بدي اطول عليك ابقى شاركنا ولا تنسانا
موفق حبيبنا

ايه يا الين يا ستي المواضيع كالآتي ومن دون مقدمات

مننضم للغرفة الفتية الدولية JCI فرع حلب في عندهم نشاطات كتير حلوة ومفيدة للمجتمع
منروح مع اعضاء المنتدى شي يوم لقلعة سمعان ومنقضيلنا يوم حلو
بتعرفي فكرة كتير حلوة خلينا نتعلم شي عن البورصة والاسواق المالية عن جد فيها اكشن رهيب منعمل حساب وهمي ومنعد بها المصاري الوهمية هههههه
طيب اذا ما عجبك كل هاد خلينا نعمل البوم صور ضوئية لاماكن حلوة وهيك منقضي اسبوعين تلاتة بيجننوا بعالم الفن التصويري
او منعملنا شي لعبة باسكت بين الشباب والصبايا شي يوم ومنعطيكن كبداية للعبة 10 15 20 صفر لحتى نرفعلكن معنوياتكن هههههه
اذا عجبك شي خبرينا واذا ما عجبك خليني ارجع لشغلي لانو الحكي ما بطعمي خبزة بدنا نعطي لابو عذاب حق الباكيت

لك الله يسامحك بس
أنا مالي ألين أنا لمى لمى لمى
وأنا زعلت كمان

له له يلعن ديبان الدخان هادا انا مو مابدخن فتلت معي بالحمراء الطويلة خلص حقك على راسي من فوق
لمى لمى لمى لحتى ما انسى من الآن فصاعداً

بس ما قلتيلي شو رأيك بالمشاريع

اشو ها ،،،،،، اوستاااااااااااااااذ بالكتابة ، دخن وينستون شو بدك بالحمرا من شان تميز الين عن لمى

عجبتني قصة البورصة انا بدخل بمليون

والله يا رائد انا عجبوني كل المشاريع وخصوصي تبع البورصة لأنو كتير بفيدني كمان بمجال دراستي بس ما بعرف حاسة انو انا وانت الوحيدين المهتمين بهل مشاريع لأنو ما حدا من أعضاء الموقع أبدا رأيو أو اهتم وهيك مشاريع ما بتكون حلوة إلا اذا كانت جماعية بقا ما بعرف الهيئة ما حدا محمس
وسماع كلام سوري شبيباوي وغير الدخان

مو مشارك انا باللعبة

أبو الجون
ماحبيتا هي استاااااااااذ خلينا على باشا أحسن حسيتا بتلبق لبريستيجي الاجتماعي والعائلي والثقافي والاكاديمي بس مابقيت غير شغلة وحدة هي الحمراء الطويلة بتعرف شغلة رح ادخن سيكار فيليجر هادا مشان التقسيم تبع البورصة
بعدين مشان المليون بلا تشغلا بالبورصة بتخسر عطيني اياها بشغلك بمشروع من هدول تبعاتي بتقص تنك وبتصفي عالحديدة من وراها

لمى
الله يسامحك معقولة عم تقولي انو ماحدا متحمس هي ابو الجون يعني ربع المنتدى ويمكن اكتر معلش ابو الجون سامحا الهيئة انقطعت من الدخان واخدتلا وحدة حمراء من الباكيت اللي جبتو النا واكيد هي متعودة عالــ KINT


اي بلا طولة سيرة عن جد انا هلأ رايح عند الاستاذ تبع البورصة لحتى اتخانق معو مشان السعر شو شو بيصير معكن خبروني